ТҮҮХЭН ЗАМНАЛ:

ЭРХЭМ ЗОРИЛГО

Монгол Улсын түүх, соёл, хүрээлэн буй орчныг хамгаалах, бүсчилсэн хөгжлийн бодлогод нийцүүлэн хүн амын эрүүл, аюулгүй амьдрах тааламжтай орон зайн орчныг бүрдүүлэхийн тулд бүс нутаг, хот, суурин газрын хөгжлийн стратеги, хүний аюулгүй байдал, байгалийн нөхцөл, нөөц, экологи, нийгэм, эдийн засгийн хөгжлийн тэнцвэрт байдлыг судалж, хүн амын нутагшилт, суурьшлын оновчтой бодлого, төлөвлөлтийг хэрэгжүүлэхэд оршино.      

ЧИГ ҮҮРЭГ:

• Хот байгуулалтын талаар төрөөс баримтлах бодлого боловсруулахад шаардлагатай судалгаа хийж санал боловсруулах, эрдэм шинжилгээ судалгааны ажил хийх;
• Хүн амын нутагшилт, суурьшлын хөгжлийн ерөнхий төслийг боловсруулахад шаардлагатай судалгааг зохион байгуулах, тус баримт бичгийг эдийн засаг, нийгмийн болон орон зайн хувьд оновчтой, хүрээлэн буй орчны хувьд тогтвортой зарчимд нийцүүлэн боловсруулах, өмнө нь хийгдсэн Монгол Улсын хүн амын нутагшилт, суурьшилтай холбоотой судалгааны мэдээ материалуудад дүн шинжилгээ хийх;
• Бүс нутгийн хөгжлийн төсөл, хот, суурин газрын хөгжлийн ерөнхий төлөвлөгөө, чөлөөт бүс, аялал жуулчлал, дэд бүтцийн хөгжлийн төсөл, улсын онц чухал болон тусгай обьектын зураг төслүүдэд захиалагчийн хяналт тавих, тэдгээрийн хэрэгжилтийг хангахад шаардлагатай судалгаа, тооцоо мэдээллээр хангах чиг үүрэгтэй ажиллаж байна.

Бүс нутаг, хот суурины төлөвлөлтийн хэлтэс нь 12 хүний бүрэлдэхүүнтэй. Үүнд:

• Хэлтсийн дарга - 1
• Газарзүйч, бүс нутаг судлаач - 2
• Хот төлөвлөлтийн архитектор - 3
• Хот төлөвлөлтийн эдийн засагч - 2
• Газар зохион байгуулагч – 2
• Экологи, хүрээлэн буй орчны хамгаалал хариуцсан мэргэжилтэн – 1
• Шугам сүлжээ, дэд бүтцийн асуудал хариуцсан мэргэжилтэн -1 байна.

Мэргэжлийн зэргийн хувьд докторант-2, магистр-2, магистрант-2, мэргэшсэн архитектор-1, мэргэшсэн инженер-1, хот төлөвлөлтийн мэргэшсэн эдийн засагч 2 байдаг бөгөөд салбартаа 1-20 жил ажилласан баг хамт олон юм.

ХАНСХЕТ-ийн төлөвлөлтийн шийдэл:

Хүн амын төлөвлөлтийн хүрээнд:

Монгол Улсын хүн амын төрөлт, нас, хүйсийн бүтэц, дундаж насжилт, шилжилт хөдөлгөөнд тулгуурлан 2040 онд нийт хүн ам 4,61 сая  болох ба үүний 2,29 сая нь эрэгтэй, 2,32 сая нь эмэгтэй хүн ам байхаар хэтийн төлөвийн тооцоолол хийсэн.

Бүлэг суурины тогтолцоо

Монгол Улсын хэмжээнд хүн амын нутагшилт, суурьшлын тогтолцооны хувьд 90 бүлэг суурины тогтолцоотой байхаар саналаа боловсруулаад байна.

Мөн хотуудын улсын болон аймгийн зэрэглэлийг судалгааны үндэслэлтэйгээр шинэчлэн тодорхойлж, тэдгээрийн засаг захиргааны статусыг өөрчлөх саналыг боловсруулсан.

Тус хэлтэс нь Монгол Улсын хүн амын нутагшилт, суурьшлын хөгжлийн ерөнхий төслийг боловсруулахын зэрэгцээ Архангай, Дархан-Уул, Завхан, Өвөрхангай, Хэнтий аймгийн төв хот болон Улаанбаатар хотуудын хөгжлийн ерөнхий төлөвлөгөө, Багануур үйлдвэрлэл, технологийн паркийн хөгжлийн ерөнхий төлөвлөгөөнд захиалагчийн хяналт хэрэгжүүлж ажилласан.

ХАНСХЕТ-ийн хүрээнд аймгуудын Засаг даргын орлогчоор ахлуулсан мэдээ, мэдээлэл өгөх, судалгааны ажил болон орон нутагт хэлэлцүүлэг хийхэд дэмжлэг үзүүлэх үүрэг бүхий ажлын дэд хэсэг байгуулагдан хамтран ажиллаж байна.

Утас: 70119616

Цахим шуудан: monhanset@barilga.gov.mn

Цахим хаяг: www.barilga.gov.mn             

---ооОоо---